瀏覽模式: 普通 | 列表

深秋落雨日

昨暝一陣大雨  到今日猶原點點滴滴落未煞
秋冬兮中部哪會落這款雨水呢

[閱讀全文]

繼續牽手愛台灣

班芝又復開得滿樹頭矣!
無像逐往年安爾紅絳絳 予人不甘徙腳
恐驚是大條年的關係 是無?

[閱讀全文]

與阿爸兮紅包

厝內人就算您上斟酌遮過年過節兮大誌
啥款年節愛行啥物禮數 您不曾頂 dang2 過
您攏安爾佮我講: 隔壁親家禮數原在!

[閱讀全文]

一幅葫蘆畫

自您離開了後 一句話一直梗置心肝底
講無人聽 吐亦吐未得當出...

隔一堵壁 您無看著我 我卻會使感覺著您的思念
其實 我逐工攏有去佮您看頭看尾
只不二過 您有當時是目珠瞑起來 孤一人值透早坐置鏡臺前
享受喙鬚摳仔摳喙鬚的爽快 彼辰我就恬恬屣跤 不敢打斷古片

抑 安爾 您就攏不知我有來過

三不五時 我亦會行到您的房間門 看您當好睏
彼時辰 我亦恬恬返頭 要予您好睏 因為您是真歹睏癖的人

逐工 我攏過去看您 有當時值早起時我要出門上班進前
有當時 值下班都才轉來到厝的時
逐工 我攏有去看您 爭差有開喙和您開講抑無爾爾

今仔日 我將一幅您所佮意的葫蘆圖 框起來 掛置您的靈前
彼是我親筆所繪 您亦知查某子從細漢愛畫圖
媽媽吩咐講您愛一幅葫蘆圖 我就開始走揣加佮意的葫蘆
茲ㄇㄚˋ我為您繪葫蘆 匟踮您的靈前 永遠陪伴您

逐工 我攏有來佮您看頭看尾矣!

(寫值 家父三週年忌日)

attachments/200707/0121370930.jpg

阿嬤兮形影

阿嬤兮時代離阮愈來愈遠...自從伊過身了後.

[閱讀全文]

中秋思親

風雨兮聲勢總亦是平靜落去矣

[閱讀全文]

上憨的人就是我

~ 寫 與 老 父 在 天 之 靈 ~

[閱讀全文]

鄉 情

今 也 日 盈 暗 轉 去 花 壇 (我 的 故 鄉) 與 親 成 (戚) 請 , 腥 臊 是 食 無 啥 滋 味 矣, 卻 是 故 鄉 的 長 長 短 短, 點 點 滴 滴, 與 我 食 復 加 飽. "花 壇" 原 本 是 叫 做 "茄 苳 腳", 因 為 有 一 叢 足 大 叢 的 茄 苳 企 置 阮 茲 所 在 上 懸 的 所 在, 不 知 按 怎, 哪 會 換 叫 做 "花 壇"? 無 像 呢! 佇 (?) 我 自 細 漢 的 印 象 內 底, 阮 彼 也, 上 濟 的 是 竹 也 林, 加 早 做 子 也 的 時 代, 若 咧 數 想 啥 物 無 可 能 的 物 件 , 阮 阿 嬤 著 用 恥 笑 的 聲 噪 共 我 笑 講 叫 我 去 踞 咧 竹 也 跤 想 ,因 為 阮 彼 也 ,滿 四 界 攏 看 會 著 竹 也 林 , 是 阮 生 活 中 的 一 部 份.

[閱讀全文]

鳥 雀 呼 晴

昨 前 日 也 鋒 面 經 過 咱 台 灣, 台 中 兮 風 雨 昧 加 輸 台 北 . 自 本 好 好 也 天, 哪 會 ㄏㄨㄚ7 變 天 著 變 天, 急 雨 ㄉㄨㄟ4 著 強 風, 一 時 間 天 昏 地 暗, 風 雲 變 色 矣 ! 有 也 是 " 天 有 不 測 風 雲 ", 人 生 佮 自 然 之 理, 原 本 是 相 合 的 .

[閱讀全文]

好 了 歌

今 也 日 的 台 北 天 氣 足 好 的! 企 置 觀 音 山 頂 看 落 來 , 淡 水 河 的 風 情 有 也 是 台 北 人 文 薈 萃 的 一 條 理 由 . 會 記 得 阮 大 學 的 校 歌 裡 底 寫 講: 「 近 看 蜿 蜒 的 淡 水, 正 象 徵 我 們 百 折 不 撓 的 精 神 」. 不 拘 , 我 眼 前 所 看 得 的 , 並 無 遐 爾 也 彎 彎 曲 曲 , 是 「 清 風 徐 來 , 水 波 不 興 」 的 平 靜 又 復 有 日 頭 光 閃 熾 的 水 流.

[閱讀全文]

木 棉 花 兮 呼 聲

這 幾 工 下 班 轉 來 茨 的 縱 貫 路 邊, 有 ㄧ ㄚ n 7 著 ( 無 意 中 看 著 也 ) 二 爿 的 行 道 樹 - - 木 棉 花 樹 頂 的 柑 也 色 的 大 蕊 木 棉 花 已 經 無 的 不 當 ( 無 聲 無 勢 ) 開 得 滿 樹 頭 囉 ! 逐 日 攏 是 值 日 頭 欲 落 山 的 時 辰 共 尹 打 招 呼, 彼 時 的 日 頭 光 線 嘛 差 不 多 是 柑 色 的, 想 看 咧 ! 彼 是 有 多 爾 也 水 就 是 有 多 爾 也 水 !

[閱讀全文]

春 花 春 情

這 幾 工 攏 不 止 燒 熱, 有 也 是 春 暖 花 開 的 時 辰 . 沿 路 共 春 光 寬 寬 也 欣 賞 起 來, 位 台 中 至 台 北, 眼 前 的 世 界 是 百 分 百 的 " 花 花 世 界 " . 台 中 港 路 邊 欲 上 高 速 公 路 前 彼 段 路 邊, 有 幾 多 叢 的 " 班 芝 " ( 這 好 聽 的 名 字 ! ), 逐 年 攏 付 我 有 " 驚 豔 "的 感 覺 . 這 二 工 又 復 瞬 到 尹 飄 飄 墮 地 ㄧ ㄚ 3 得 舉 土 跤, 恰 若 遍 地 的 黃 金, 誠 華 麗 挑 人 呢 !

[閱讀全文]

近 鄉 情 更 怯

今 也 日 對 台 下 兮 學 生 也 講 起 文 學 是 啥 物? 落 尾 也 阮 揣 得 一 個 結 果, 著 是: 文 學 應 該 是 有 真 兮 感 情 、 善 兮 理 性 、 美 兮 文 字, 三 項 相 濫 做 伙 兮 真 、 善 、 美 兮 作 品. 其 中, 特 別 是 "真 兮 感 情" 是 萬 不 可 減 的 一 個 上 根 本 兮 源 頭.

[閱讀全文]

斡 頭 看 過 去 兮 時 辰

作 家 王 鼎 鈞 伊 有 一 本 冊 《碎 琉 璃》 咧 講 「碎 琉 璃」 是 「代 表 一 個 美 麗 業 已 破 碎 了 的 世 界」, 茲 句 話 會 引 起 咱 對 個 人 的 過 去 的 懷 念 兼 小 可 的 悲 情. 行 過 人 生 幾 偌 冬, 斡 頭 看 過 去, 總 是 歡 喜 濫 悲 傷, 絞 做 一 堆, 欲 似 咧 ㄑㄧㄚ 倒 ㄉㄤn3, 鹹 酸 苦 甘 濫 濫 做 伙, 無 法 度 復 再 分 清 楚 ㄎㄨㄝ3 咧 心 肝 內 彼 個 滋 味 是 啥 貨 ? 尤 其 是 彼 個 已 經 烏 有 去 矣 的 一 段 不 甘 放 的 記 憶, 不 ㄙㄢm 時 著 位 內 心 誠 深 沉 的 所 在 ㄙㄜ2 出 來, 佮 咱 的 心 情 ㄑㄧㄚ ㄅㄨㄚ a-n3 ( ? ) 反 (恰 若 車 反 來 反 去 的 意 思), 有 彼 個 甜 蜜, 嘛 有 彼 個 ㄨㄧㄟ2 ㄨㄧㄟ2 也 ㄗㄥn3 的 慟 楚, 益 加 有 彼 個 誠 茫 緲 的 酸 溜 溜 的 感 覺...

[閱讀全文]

溫 州 街 兮 往 日 情

遙 想 彼 幾 年 的 大 學 生 活, 對 新 生 南 路 佮 羅 斯 福 路 二 條 大 路 所 匝 圍 起 來 的 生 活 空 間, 有 足 濟 「雪 泥 鴻 爪」, 是 予 日 子 昧 當 請 裁 放 搡 去 的...

[閱讀全文]