• 1 
瀏覽模式: 普通 | 列表

台灣古典詩、現代詩及台灣褒歌

該網誌已被加密

人生有情淚霑臆

彼一日 咱手牽手的場面 猶原在我心肝頭燒煦煦
二冬後 我遂感到遮款記憶 親像未當講出喙的愛戀
凝佇心肝頭  吞未落  吐未出

[閱讀全文]

牽手 攏是為著愛

牽手 攏是為著愛 (臺文版)

大隻手牽著細隻手 父老兄弟姊妹
咱有同一個阿母 台灣
誰人無愛家己兮阿母
誰人不是食阿母兮水米大漢兮

[閱讀全文]

愛是啥物

臺文版

血緣之親 親過世界任何感情
將愛阿爸阿母兮情分來愛咱企起兮所在
所致有自然兮付出 無勉強 無激情 無怨嗟

[閱讀全文]

猶原是班芝紅

春天 是妳復倒轉來矣 是乎 班芝講兮

[閱讀全文]

春花猶原紅絳絳

花謝花開 冬盡春來 世間人事代謝又一年

[閱讀全文]

懷念天馬茶房

二三冬前嘛是班芝開得紅絳絳兮時陣,
頭一擺,心肝內感覺到228是動詞,不是歷史名詞.

第六屆世界台語營兮舞台頂,周世界兮台語人
開喙大聲復水氣咧講台語,唱台語歌,扮戲耍笑...

時間倒轉去到都才光復時...
天馬茶房內兮人事影子猶原活置眼前
一甲子年前兮是非恩怨予人心肝結歸丸
按怎喙講父母話袂使得?
按怎嘩來嘩去數百年,到二十世紀猶嘩袂煞?

恁不曾痛過兮人,勿講阮愛哭悲情
恁好命慣勢兮人,勿誚阮穿插無水

阮亦是父母所生,按怎袂當隨在阮大漢?
企起兮所在雖然有加隘,總亦是阮一世人兮向望--
是悲,是喜,阮攏甘願予伊扥磨
按怎做一個人,頭殼無法度舉懸懸?

茶房內食茶食咖啡,行棋嘩拳唱歌詩兮形影已茫渺
命運兮鎖鏈繼續佮台灣人箍住
底時,咱才會當掙脫命運兮鎖鏈
重砌心肝內彼間--天馬茶房

(寫值 2002年228紀念日 )

淡水春日

桃符一冬一回新
暖日和爽合行春
山形亦莊亦妖嬌
水態似夢還似真
阿給魚酥烘豆腐
挽面梳妝兼抓龍
借問偎海一小鎮
今年街頭啥上慶

2002正月

秋 霜 寒 心 , 放 葉 離 枝

一粒石頭 dan3 落水底 亦有澎然一聲
秋風掃過人間 萬葉千聲 著來呼應自然兮腳步
情景所感 風雲嘛會因此變色
怎樣你兮心
加硬過石頭
加冷彼秋霜
益更比天頂兮浮雲加反面無常?

[閱讀全文]

有一款兮心情

有一款兮心情...
無影無隻,親像空氣
吮會著,掠昧住
置四匝輪轉
踅來踅去...

有一款兮心情...
無聲無勢,親像時間
往過到未來
不曾斷線過
無論生抑死

[閱讀全文]

一 杯 茶

立冬後兮歇睏日,
吹面不寒東北風,
曝日無熱早起時,
請裁坐置公園兮草坡頂,
泡一壺茶任在時間溜溜去,
偷得浮生半日閒.

[閱讀全文]

南部班芝兮春天

春 雨 微 微 兮 早 起
約 束 做 夥 踅 蓮 池
 
寒 風 不 解 阮 心 意
招 雨 湊 陣 冷 支 支

聽 講 蓮 池 有 春 天
柳 枝 妖 嬌 好 光 景
風 雨 縱 是 無 時 停
猶 原 相 招 誰 人 驚

柑 色 花 蕊 真 大 瓣
留 阮 跤 步 醉 心 戀
稀 奇 借 問 伊 芳 名
班 芝 四 界 樹 頭 滿

南 部 春 天 兮 呼 請
有 緣 相 會 台 語 營
你 我 有 志 為 台 文
同 心 拍 拼 向 前 行
  • 1